थप २१२० जनामा कोरोना संक्रमण पुष्टि

काठमाडौँ । पछिल्लो २४ घण्टामा नेपालमा थप २ हजार १२० जनामा कोरोना भाइरसको सङ्क्रमण पुष्टि भएको छ ।

देशका विभिन्न प्रयोगशालामा १२ हजार ९७८ जनामा गरिएको पिसिआर परीक्षणमा दुई हजार १२० जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै कूल सङ्क्रमितको सङ्ख्या ८४ हजार ५७० पुगेको छ ।

यसैगरी पछिल्लो २४ घण्टामा २ हजार ४४ जना कोरोनालाई जितेर घर फर्किएका छन् । यो सँगै घर फर्किनेको सङ्ख्या ६२ हजार ७४० पुगेको छ । देशभर २१ हजार ३०२ जना सक्रिय सङ्क्रमित रहेका छन् । त्यसैगरी क्वारेन्टिनमा चार हजार २७३ जना छन् ।

पछिल्लो २४ घण्टामा कोरोनाबाट निधन हुनेको सङ्ख्या ८ जना पुगेको छ । योसँगै सङ्क्रमणबाट निधन हुनेको सङ्ख्या ५२८ जना पुगेको छ ।

You might also like

Leave A Reply

Your email address will not be published.